Ուսումնական տարին սկսվեց Դիջիթեքյան դասընթացներով, որոնք շատ հետաքրքիր էին ու նաև մասնագիտական։ Այս անգամ ոչ թե որպես դասավանդող էի, այլ մասնակիցն էի կուրսընկերներիս դասընթացներին մեր մասնագիտական ուղղվածության վերաբերյալ։ Թեման` Վեբ ծրագրավորման հիմունքները, որի մեջ ներառված էին Html -ի և Css -ի ուսուցումը։

 

Քանի որ երկրորդ կուրսում արդեն մասնագիտական խորացումն ավելի մեծ էր, դասերի ընթացքում ձեռք եմ բերել մասնագիտական շատ հմտություններ, որոնք կիրառելու եմ ապագայում։

 

 

Ընկեր Նելլիի հետ այս տարի ձեռներեցություն առարկայից սովորեցինք մարքեթինգային հնարքներ ու բիզնես պլան կազմել, սովորեցինք ինչպես կարելի է առաջ տանել մեր բիզնեսը և այլն։

 

Իմ բիզնես պլանի պրեզենտացիան` հղում

Իմ բիզնես պլանը` հղում

 

 

Անվտանգություն և առաջին բուժօգնություն առարկայից այս տարի ավելի պարզ ուսումնասիրեցինք ու օրինակներով հասկացանք, թե ինչպես վարվել տարբեր իրավիճակներում ու ինչպես ճիշտ առաջին օգնություն ցուցաբերենք։ Մասնակցել եմ նաեւ Առողջ սնունդ թեմայով կլոր սեղանի հանդիպմանը։

 

Կլոր սեղան` հղում

 

Ճամփորդություն դեպի Արմաղան լեռը, կարող եք դիտել տեսանյութը`

Այս տարի ավարտեցի առաջին կուրսը։ Մեծ տպավորություններով, հավես ու հետաքրքիր օրերով։

Ձեռք բերեցի լավ ընկերներ։ Սկզբի օրերին ոչ ոքի չէի ճանաչում, սակայն շատ ճամփորդությունների շնորհիվ մտերմացա բոլորի հետ։ Քոլեջի օրերը շատ հետաքրքիր են անցնում, այս տարվա մեջ շատ ու շատ հետաքրքիր նախագծերի ու ճամփորդությունների եմ մասնակցել։ Մուտքի ճամբարը ամենահետաքրքիրն էր, երբ դեռ նոր էինք ծանոթանում քոլեջի հետ, նոր միջավայր, նոր մարդիկ, նոր ուսուցիչներ։ Հենց առաջին օրով մասնակցել եմ ֆիլմադարանի քննարկմանը։

Ինձ դուր է գալիս քոլեջում ուսանողներին տրված ազատությունը, ազատ ընտրելու ցանկությունը։ Դուր է գալիս միջավայրը, հաճախ նաև դրսում դասերն անցկացնելը։ Մասնակցել եմ մեդիաուրբաթներին, դիջիթեքներին շատ ու շատ հետաքրքիր նախագծերի։ Ահա այն ամենատարբերվող մեդիաուրբաթը, որը կարող եք դիտել՝

Հունիսին մասնակցել եմ պարտեզապուրակային բոլոր աշխատանքներին։ Ունեցել ենք հետաքրքիր քննարկումներ մեր սիրելի վերնատանը։ Դիտել ենք հետաքրքիր ֆիլմեր ու վերջում քննարկել։ Ընդունել ենք շատ հյուրեր տարբեր տեղերից։ Ընտրել եմ համակարգչային ծրագրավորում բաժինը, ու այս տարվա մեջ շատ նոր բաներ եմ սովորել։ Ընտրել եմ այդ մասնագիտությունը, բայց առնչվել եմ համարյա թե բոլոր մասնագիտությունների հետ, օրինակ գինի եմ պատրաստել, մասնակցել եմ շատ ու շատ հետաքրքիր ու անմոռանալի ճամփորդությունների։ Առաջին ճամփորդությունը ամենահիշվողն է, դեպի Հայաստանի բերդեր։ ‌

Ճամփորդություններից ամենաշատը հավանել եմ ճամփորդությունը դեպի Գյումրի։

Հունվարը ամենաբարդ ամիսն էր, տարատեսակ դիջիթեքներ, խմբային հետաքրքիր աշխատանքներ։ Դիջիթեքի ժամանակ ինքս կատարել եմ իմ գործունեությունը։ ‌

Նախագծի մասին կարող եք կարդալ՝ այստեղ։

Ամենաշատը սիրում եմ Արատեսը, այնտեղ` բնության գրկում, ավելի հետաքրքիր է անցնում օրս։ Հիմա էլ պատրաստվում եմ մասնակցել ռազմական Արատեսին, արդեն պատկերացնում եմ նույնիսկ, թե ինչ հետաքրքիր է անցնելու այդ 5 օրը Արատեսում։

Ահա նաև իմ մասնակցությունը Արատեսում, կրապատման աշխատանքների ժամանակ։